Творчае літаратурнае  аб'яднанне

     Таленавіты пісьменнік, іранічны сатырык, чалавек шырокай душы і неабсяжнай фантазіі, творы якога ведае кожны. Аўтар, які падарыў нам столькі выдатных работ, з якімі з задавальненнем знаёмяцца ў школах і перачытваюць у сталым узросце.

     Сёння свой дзень нараджэння і юбілей святкуе самы светлы і добры пісьменнік Беларусі - Мікалай Мікалаевіч Чарняўскі.

Пакуль нашыя пісьменнікі пішуць аб цяжкім мінулым нашай краіны і ўсіх нягодах, якія абрынуліся на народ, ён глядзіць наперад, на мірную сучаснасць і бясхмарную будучыню, пераносячы ўсю сваю веру і любоў на паперу. А ўсё для тых, хто з'яўляецца гэтым самым будучым, для дзяцей, якім прысвечана ільвіная доля ўсіх яго работ. Гэты аўтар ніколі не сядзеў на месцы, таму ім было апрабавана столькі прафесій. Але ён ніколі не змяняў свайму праўдзіваму прызванню - пісьменніцтву. Віртуозна валодаючы роднай мовай, ён перавёў незлічоную колькасць кніг, і цяпер, дзякуючы яго працам, мы можам атрымаць асалоду ад работ такіх пісьменнікаў, як Павел Глазаў, Гафуры Гулям і мноства іншых. Не дзіва, што за кароткі час ён стаў уладальнікам мноства прэстыжных прэмій. Чытачы адгукнуліся на цяпло яго вершаў і прозы, з нецярпеннем чытаюць наступныя працы.

   Чалавек, які заваяваў сэрца дзіцяці, зможа заваяваць і душу дарослага. Пакуль малодшае пакаленне з зачараваннем чытае "Зоркі-Зорачкі", "Дзе пяцёркі прадаюцца", "Аб чым пяе крынічка", людзі старэйшага ўзросту з задавальненнем могуць акунуцца ў свет сатыры разам з "І не косяць, і не жнуць...", "Камар на матацыкле", "Казёл-моднік", а са зборнікамі паэзіі "Чалавечнасць" і "Трывога" яны адчуюць увесь спектр эмоцый і па-сапраўднаму шчырыя пачуцці аўтара.

       Дзякуй Вам, Мікалай Мікалаевіч, за непамерны ўклад у беларускую культуру і сэрца беларусаў! Няхай ваша жыццё будзе такім жа яркім, душэўным і запамінальным, як і вашы творы!